FEŠTA  U  ULICI  LUDILA

Ovo je bila nezapančena fešta lita 2005 u Vukovarskoj ulici 87-89 u Splitu. Osin gradela i spize bilo je tu i za zalit ča je i te kako doprinilo atmosferi pametovanja i mudrovanja.

---

Kuvar Bloš kreče u napad

Feštica je počela na gradelama. Unatoč slici ruka nije ispečena ali samo je botu falilo, virujte mi. Pa nikako mi se čini da je više ruke nego mesa. Posli ih je naš kuvar Bloš lipo "opitura" sa ujen a jemali smo i čime zalit.

Sve pofale Blošu ali moglo je bit i boje da je bija koji komad više a i da su umisto mesa bile mušule i anguje a eto mogle bi gospe mi i lignje stat pa "čak" i prstaci. Sve bi to nikako još boje plutalo u drobu.

---

Gleda u cavate dok vrti bržole

A evo i našega kuvara Bloša kojemu nije jasno ča se to čuje "csss, csss" cilo vrime pa zato gleda doli u svoje cavate da vidi jeli to iz njih fumaje, ma ne virujen jer nima bićve a iz njih bi biće izlazilo i više od dima.

Velika je to umitnost vrtit meso dok su oči na nikome drugome mistu. To je meštar i po.

---

Brane se pravi da nas ka ono slikaje

Brane pari ono slikaje nas ali je makinju okrenija na krivu bandu pa lipo slikaje svoju mornarsku glavu koja je biće "trizna" a ča bi tek bilo da nije trizna, možda bi tražija lapandinu umisto blica. Srića da nije okinija i onu plavu konzervu iza kostiju, makinja bi mu se raspala ka leut Tome Bebića.

Ka ča vidite lipo je kamuflira žicu za struju iz zida tako da mu ulazi iza desne cavate, pa izad škine i onda u makinju.
Ma biće da je boje bit mornar nego slikar, nikako je lakše jeli tako prijatelju a ? Pozdrav mornarskome umitniku !

---

Nino mudruje ali malo previše

Naš kuvar Bloš tek sad vidi da ne fumaje iz cavata već iz mesa pa ga je sad probija perunon da vidi oće li jos čagod izač, možda šolde.

Nino bradonja još nije nasa očale pa misli da fuma iz moje "slikaj me-makinje" pa pizdi kako jeman staru makinju i da iz njegove digitalke nikad ne fuma ali mu je izgorila od navodno pritiranog slikavanja dok je bila na špakeru. Dobro da nije završila na gradelama ka i bržole.

Amerikanac sa kepson se smije jer vidi da se i Nino smije pa konta da se biće radi o smišnin stvarima pa se vaja mukte nasmijat jerbo nemora slušat nikakve štorije i baze koje u biti možda i nisu smišne.

---

Sve nan je večeras digitalno

Ivica u sredini me pita je li mi kamera digitalka a ja mu lipo odgovaran da nije vrime za takva pitanja a on meni da nije ni vrime da mi reče da on nije fašista zato jer jema crnu majicu a ja njemu da nisan ni ja Bob Marli zato jer jeman zeleno-narančasto-žutu košuju na rige.

Amerikanac sa kepson me pita da jeli i njegova čaša digitalna a ja mu govorin da je i da mu je i bilo vino u čaši digitalno ali da bi mu crno vino bilo još digitalnije na šta je reagira dosta zbunjeno tip ma je lii.....aa ?

Nino bradonja ne konta baš jeli mi to ozbiljno o digitalijama ali konta da se boje nasmijat nego ostat neutralan da ne bi ispalo da je umišljen ili tobože kvari atmosferu.

Brane u pozadini ne razumi to naše motanje o digitronima pa muči da ne bi reka ča krivo pa da se posli ne more izvuč iz vatre ka i naše bržole.

Mariju se sve ovo oko digitraumatiziranja popelo na vrij glave pa nan lipo petaje poštene digitalne roge uz popratni komentar da nas je....digitalni bog.

---

Jeben ti Bajern i ko ga je stvorija

Rašo u sredini mota rukama i priti nekome jer je taj reka da Bajern ne vridi ništa. Neprijatelj je uzvratija da je Hamburg bolji a Rašo ga pita da jeli oće da ga izi ili pofriga ka hamburger.

Neprijatelj je uzvratija da će on Rašu udrit nogon ka balun i da će odletit sve do Minhena a Rašo njemu da će ga opizdit s obe dvi noge ka dva baluna pa da će poletit do Hamburga i to na sam kurčev stadijon u gradu i da posli toga neće turpijat o Bajernu te ovo i ono.

---