BORIS  DVORNIK

NADALINA

Ovo van je štorija o Nadalini
more bit da vi znate Nadalinu, a
sva puca od lipote
a jema je da van
pravo rečen ča i vidit

Smantala bi ona i večega
muškardina, a di neće ovakega
karonju ka ča san ja
a najskoli kad pere
noge u dvoru, ajme

Kad Nadalina noge toća
srid dvora u maštilu
jo ke beleca ke finoča
inšempja mladost cilu

Svi gledadu u noge bile
uz bačve karatile
jer slaja je od zrilog voća
kad Nadalina noge toća

Refren
Nadalina, Nadalina
da si moja Nadalina
jemala bi muškardina
Nadalina, Nadalina

Jo da mi je onoga slatkoga
od fešte rožadi, galetini
mandulati, torte, krokanti
ni ništa slaje od slatkoga

More bit da je
samo slaja Nadalina
cili dvor zamiriše i poludi
kad ona pravi slatko, ajme

Kad Nadalina misi slatko
u dane isprid fešte
jo da je vidit bar na kratko
ča skriva ispod vešte

Jer slatka je ka cukar fini
dok leti po kužini
i rado bi je jema svatko
kad Nadalina misi slatko

Refren

Jaja se to cili svit zna
moredu spravljat
na mali miljun način
i u šorbulu i na joko
i sirova, a more ih se

I u tvrdo i u meko i u gusto i u ritko
i sa svon mogučon spizon mutit
al kad Nadalina muti jaja ka i žbatije
to je prava fešta od jaj, ajme

Kad Nadalina muti jaja
zamuti pamet svima
i svakin danon sve je slaja
ka gucaj dobreg vina

Na sebi jema sve na rige
iz čačine butige
i svi je želu bez rataja
ka Nadalina muti jaja

Refren

E vaja poć leč
finila je i ova
al kad Nadalina gre leć
to pari ka da cvit počiva u cviću

Ma da mi je koji put vidit
kako se ona uvučije u posteju
i kako sva zamiriši
noć zasvitli, cvrčci počnu pismu
Nadalina, Nadalina

Kad Nadalina gasi sviću
kraj otvorenih škura
jer lito je i sve u cviću
al’ malo noćni ura

Pod ponistru kad momci stanu
i napravu galamu
da požele joj pismon sriću
kad Nadalina gasi sviću

Refren

Nadalina, Nadalina
bit češ moja Nadalina