MERI CETINIĆ

Moja splićanka i ka sve splićanke puno lipa ka da joj godine ne gredu. Nikad ni jednu lošu pismu nije otpivala. Puno lipa reklama Splitu i po izgledu i po glasu.

TEKSTOVI PISAMA

KONOBA

(dušu liči)
Imala si baril i bronzine
pod škancijon stivane bocune
sve si gušte na ovome svitu
darivala ka lipe bokune

Vonjala si točon i friškinon
ladila me kad uvati fjaka
a kad dušu stegla bi tuga
u tebi san i pija i plaka

Konobo moja, radosti sva
dušu san svoju svu tebi da
konobo moja, ka dom si moj
čuvan ti pismu ka život svoj

Uz šteriku jos vonja lavanda
razvodni se život ka bevanda
od bibiti, falsi novitadi
ne damo se, još smo uvik mladi

Ajmo skupa, prijatelji moji
razmistimo tamburin, katrige
zapivajmo pismu s kojon srce
u po zmula zaboravlja brige

Konobo moja, radosti sva
dušu san svoju svu tebi da
konobo moja, ka dom si moj
čuvan ti pismu ka život svoj

konobo moja, ka dom si moj
čuvan ti pismu ka život svoj

na na.. Konoba

U PROLAZU

Sad smo skupa tako ritko
ma se tišin, bit će boje
kad te vidin zasja svitlo
ti me gledaš priko voje

U životu sve se minja
uvik nikor sriću prići
jos san žena, nisan stina
čuvan za te nike rići
u prolazu, u prolazu

Puše jugo, triska bura
i bonaca dikod svrati
još visoko stoji ura
ovo brime, ovi sati

Pusti, neka vitar nosi
one naše zadnje rići
svitlo sja u tvojoj kosi
tvoj me pogled i sad lici
u prolazu, u prolazu

Tebe i sad zove more
zvono tuće s kampanela
a mirišu neke zore
naša jubav srid tinela

I dok sidin u kavani
sve još tu na tebe sliči
sve je isto ka i lani
isti judi, iste rići
u prolazu, u prolazu

I dok čekan, teku ure
ko zna ča i kome broje
gledan nike stare cure
nima veze, bit će boje

Svit je ovaj krcat zlobon
vaja ti na more ići
ma bi prije tila s tobon
da izminin nike rići
u prolazu, u prolazu

Par njenih pismi (mp3) morete poslušat ili povuć na
www.nostalgija.com ka npr. Četiri stađuna