TOMA  BEBIĆ

---

TEKSTOVI  PISAMA

LEUTE  MOJ

Dogodilo se to jednoga dana u misecu,
tamo neke teške godine,
osta si sam, napušten brod, leute moj.

RASTOČIJA SI SE
KA BARILO, LEUTE MOJ
I MRIŽA JE SAGNJILA
LEUTE MOJ
OSTA SI SAM
NAPUŠTEN BROD

SUZE SU NESTALE
IZ TILA TVOG, LEUTE MOJ
A SIĆANJA NAVIRU
LEUTE MOJ
OSTA SI SAM, TUŽAN I TIH

BRODOVI SU ISTI, KA I LJUDI
ZLU MORU DAJU ŽIVOT SVOJ
ZA TOBON UMIRU
BRODOVI SU ISTI, KA I LJUDI
ZA SUZU DAJU, SUZE DVI
ZA TOBON UMIRU

RASTOČIJA SI SE
KA BARILO, LEUTE MOJ
I MRIŽA JE SAGNJILA
LEUTE MOJ
OSTA SI SAM, NAPUŠTEN BROD

Dogodilo se to jednoga dana u misecu,
tamo neke teške godine

---

Kaleta

Moja kaleta je tisna, ma je lipja vengo londra
nima sunca nima arje ali jema moju jubav

Cvića samo u pitare, tiramoli vežu skale
a murtila i lancuni, lipo rese moju kalu

Kaleto moja draga, volin te više od sunca
niz tebe san vozija karet na balinjere
i uz tebe gura kolo od barila

X2

---

Umra  nan  je  kapitan

Umra nan je
umra nan je
umra nan je
Kapitan

Stari kapitan
umra nan je bez broda
stari kapitan

Ostavljen od svih
tu u lazaretu
ostavljen od svih

Nikon bilo ni
za kapsilon njemu
nikog bilo ni

Samo jedan pas
žalostan je plaka
kapitanov pas

Umra nan je
umra nan je
umra nan je
Kapitan

Pust je njegov grob
daleko od mora
kapitanov grob

Kiše su ga sveg
korovon zatrle
kapitanov grob

---

Nevera

Evo ga ovod posli tries godin
evo ga na mul, uvik ga je snija.

Evo me ovod posli tries godin
evo me na mul, uvik san ga snija.
Nima više Jere, stare šjore Kate
ne vidin ni Tomu, Ive je još tod.

Ive, Ive, Ive, jema li još koga ?
Ive, Ive, Ive, živi li još iko ?

Nevera, nevera, nevera!… Ooo... oo.. oo !..

Sićan se, bija san jak,
tri dana moga san veslat, a ne spavat !
Uzalud kad je došla nevera!
Nevera, nevera, nevera!… Ooo...oo.. oo !..

Neverooo, nevera života moooog si
nevera odnila mi sve

U Italiju me bacilo more,
ukrca san se za ne prosit, pa u Čile!
Puste godine rada u rudniku!
Nevera, nevera, nevera!… Ooo... oo.. oo!..

Sve si mi sriće rastočila

Evo me ovod posli tries godin,
evo me na mul, uvik san ga snija.
Nima više Jere, stare šjore Kate,
ne vidin ni Tomu, Ive je još tod.

Ive, Ive, Ive, jema li još koga ?
Ive, Ive, Ive, živi li još iko ?

Čuješ li me, Iveeeeee ?
Evo me ovod posli tries godin, Ivee

---

Ča  smo  na  ovon  svitu

Ča smo na ovon svitu,
ča smo na ovon svitu,
ča smo na ovon svitu,
čovik se upita.

Ka su puna justa,
ka se vino lije,
ka jema vele fjorini,
glende i šulaci,
namisto ovi da plače,
od srca se smije.

Ča smo na ovon svitu,
ka je život taki,
ča smo na ovon svitu
čovik se upita.

Ča se more kad je život taki,
dokle jednon lipo cvita cviće,
dotle drugom samo drača niče.
Ča se more kad je život taki.

A čoviku svakon malo triba,
ka se rodi ni naramak slame,
ka otegne sve je crna zemja,
ne triba mu ni dva paša jame.

Ča smo na ovon svitu,
ka je život taki,
ča smo na ovon svitu
čovik se upita.

---

Tu  tu  auto,  vrag  ti  piz  odnija

Jo, ća letidu isprid nosa
ove rugobe tonobili
svu su nan ar'ju usmrdili
i tišinu prikinili.

Di mi je sad moj tovar Sivac
di su njegove drage uši
miga bi s njima pa zareva
najlipju pismu vrilog lita.

Ijaaaa, Ijaaaa.....

 I bolje da si mi krepa sivće
sićan kad si na misec vika 
evo su niki dani njegovu
lipost razotkrili

Ništa mi više ni ostalo o' čista zvuka
loze i jutra, ne čujem tvoju pismu sivče,
k vragu oni i Oktan super!

Jo ća je pametan oni moj barba Ljubo
osta je u vlaje na čistu ar'ju i frišku spizu!
Tu- tu, auto, vrag ti piz odnija!

Par  Tominih  aforizama  i  lipih  riči

"Glupome je luđak genije a genije luđak"

"U ludnici pametni upravljaju luđacima
u životu je često obratno"

"Razlika izmedju vola i čovika jedino je
u tome sta vol travu jede, a čovik je puši.."

"Ne znam da li je teško umrijeti,
ali znam da je teško umirati."